Марий Эл республикыште вольыкым маркерлымаш да учётыш налмаш паша вияҥеш.
Ял озанлык дене кылдалтше бизнеслан пашаеҥ-влакым ямдылыше марий институтышто (МарИПК) квалификацийым нӧлтымӧ курс 2024 ий 1 апрель гыч эртаралтеш. Программыжын задачыже вольыкым, да вольык продукцийым эскерен шогымо системе негызеш ыштыме вольыкым маркерлымаш да учётыш налмаш йодыш дене кылдалтын. Вольыкым маркерлыме да учётыш налме шотышто курсым Вольык, янлык чер ваштареш шогышо марий станцийын специалистше-влак В.Г.Данилов да Н.Завьялов вӱдат.
Специалист-влак тунемме процессыште Россий Федерацийын ял озанлык министерствыжын 2017 ий 30 июньысо 318-ше № – ан Приказшын тӱҥ аспектшым ойыреныт, правилым пудыртымо шотышто йодышым шымленыт, маркерлыме да учётыш налме ветеринар правилым палымашым тергеныт.
Практический занятий-влак “Хорриот” федерал кугыжаныш системым сайын волгалтарат, янлык-влакын республике мучко коштмым ончыкташ, плановый мероприятийлам документироватлыме процессым, пробым ойырен налме актым оформитлыме пашам, тыгак карантин мероприятийлам да карантиным кораҥдыме жапым ончыктышо реестр пȍлкажым шымлат. Кодшо ийын шке жапыште ФКИС «ВетИС» дене пайдаланаш туныктышо мероприятий-влакым эртарымылан кȍра кугыжаныш ветеринар специалист-влак 2024 ий 1-ше март гыч КАС «Ветеринария» дене ФКС «Хорриот» интеграцийлыме годым практический шинчымашым чолган кучылтмыштым ончыктеныт.
Кызытсе жапыште вольыкым маркерлыме да учётыш налме йодыш республикыште пӱсын шога. Тидым тунемше-влакын чотышт ончыкта. Тыге шинчымашам вияҥдаш 27 кугыжаныш ветспециалист, «Доктор», «ЛеоVita» ветеринар клинике-влак гыч, «Мясо-Молоко Ресурс», «1 Май», «Семёновский» ялозанлык предприятий-влак, «Акашевская» да «Приволжская» чыве фабрике-влак гыч 16 ветспециалист толын.
